នារីប្រជ្រុយពេញមុខពីកំណើត មិនខ្វល់ពីអ្នកដទៃ...សម្រេចចិត្តចូលរួមប្រលងបវរកញ្ញាម៉ាឡេស៊ីឆ្នាំ២០១៨...ព្រោះតែ!!

បរទេស៖ វាពិតជាគួរអោយស្តាយណាស់ យើងទាំងអស់គ្នារស់នៅក្នុងពិភពលោកដែលតែងអោយតម្លៃមនុស្សលើសំបកខាងក្រៅ។ មនុស្សតែងឆាប់សម្គាល់នរណាម្នាក់លើការតុបត...

បរទេស៖ វាពិតជាគួរអោយស្តាយណាស់ យើងទាំងអស់គ្នារស់នៅក្នុងពិភពលោកដែលតែងអោយតម្លៃមនុស្សលើសំបកខាងក្រៅ។ មនុស្សតែងឆាប់សម្គាល់នរណាម្នាក់លើការតុបតែងស្លៀកពាក់ស្អាតបាតឬអត់? ឬសម្គាល់លើរូបរាងសមសួនឬអត់?។

នារីដ៏ក្លាហានម្នាក់មកពីខេត្តSabahប្រទេសម៉ាឡេស៊ីដែលខុសពីល័ក្ខខ័ណ្ឌស្តង់ដានៃសម្រស់។ នាងនិងចូលរួមបង្ហាញសមត្ថភាពក្នុងការប្រលងMiss Universe Malaysia 2018។

អ្នកឃើញស្រាប់ហើយថាEvita Patcey Edgar Delmundoគឺមិនដូចនារីទូទៅទេ! នាងមានប្រជ្រុយខ្មៅធំៗពីកំណើតពេញខ្លួន។ ប៉ុន្តែទំនុកចិត្តនិងក្តីស្រលាញ់មិនដែលធ្វើអោយនាងអស់សង្ឃឹមឬមើលងាយខ្លួនឯងឡើយ។ រូបរាងចម្លែកខុសគេបែបនេះ! អ្នកអាចស្រមៃមើលថាតើវាពិបាកប៉ុណ្ណាក្នុងការប្រកួតប្រជែង។

Evitaនិយាយថា៖ " វាមិនមែនជារឿងងាយស្រួលសម្រាប់ខ្ញុំទេ។ ខ្ញុំធ្លាប់ត្រូវមិត្តភ័ក្រសើចចំអកជាខ្លាំងកាលរៀននៅបឋមសិក្សា ពួកគេហៅខ្ញុំថា ' សត្វចម្លែក ' ។ ខ្ញុំពិតជាពិបាកទទួលយកវាណាស់កាលនៅពីក្មេង។ ខ្ញុំខ្មាសអៀនមិនហ៊ានងើបមុខមើលក្មេងដ៏ទៃឡើយ ហើយក៏មិនដឹងថាត្រូវធ្វើយ៉ាងណានោះដែរ។ ខ្ញុំសុំអោយប៉ារបស់ខ្ញុំទៅសាលាជាមួយខ្ញុំដើម្បីស្តីបន្ទោសអោយក្មេងៗទាំងនោះ។ សំណាងណាស់ដែរ! ក្មេងៗដែលមើលងាយខ្ញុំទាំងនោះក៏ថមថយទៅវិញ។ ពេលអាយុ១៦ឆ្នាំខ្ញុំបានចូលរួមដំណើរបោះជុំរុំនៃក្រុមគ្រឹស្គបរិស័ទ  ពេលនោះហើយដែលវាបានបង្រៀនខ្ញុំអោយចេះស្រឡាញ់ខ្លួននិងចេះទំនាក់ទំនងជាមួយមនុស្សខាងក្រៅ។ នេះជាលើកដំបូងក្នុងជីវិតដែលខ្ញុំចាប់ផ្តើមទទួលយកនូវអ្វីដែលខ្ញុំមាន។ ពិតណាស់ពីមុនខ្ញុំធ្លាប់គិតថានិងធ្វើការវះកាត់យកប្រជ្រុយខ្មៅទាំងនេះចេញ។ ប៉ុន្តែក្រុមវេជ្ជបណ្ឌិតអោយដំបូន្មានថាវាអាចប៉ះពាល់ដល់សុខភាព ដូច្នេះខ្ញុំគ្រាន់តែទទួលយកវាទៅបានហើយ។ ខ្ញុំស្រឡាញ់រាងកាយរបស់ខ្ញុំ ហើយក៏មិនចង់ផ្លាស់ប្តូរអ្វីទៀតឡើយ។ "

Evitaមានមហិច្ឆតាចង់ពាក់ម្កុដបវរកញ្ញា ហើយនាងមិនបោះបង់ព្រោះឧបសគ្គទាំងនេះឡើយ។ នាងបានបង្ហើបអោយដឹងថា៖ " នាងត្រូវបានជ្រើសរើសអោយចូលរួមក្នុងកម្មវិធីប្រលងបវរកញ្ញាម៉ាឡេស៊ីប្រចាំឆ្នាំ២០១៨ខាងមុខនេះ "។  Evitaនិងមានវត្តមានក្នុងការប្រលងជាឱឡារិកដើម្បីបង្ហាញសមត្ថភាព និងក្នុងបំណងលើកទឹកចិត្តដល់មនុស្សទាំងឡាយដែលមានស្បែកដូចនាងកុំអោយខ្មាសអៀនតទៅទៀត។

យើងពិតជាចង់អោយអ្នករាល់គ្នាក្លាហានដូចនាងណាស់! យើងសូមជូនពរអោយEvitaជួបតែសំណាងល្អ និងទទួលបានចំណាត់ថ្នាក់ក្នុងការប្រលងបវរកញ្ញាម៉ាឡេស៊ីឆ្នាំ២០១៨ខាងមុខ៕ អត្ថបទ៖ Khmer5 News ប្រែសម្រួល៖ លី