ស្រ្តីពិការជើងជនជាតិថៃម្នាក់មានប្រាក់ខែ ១លានបាត(២៩៥០០ដុល្លាអាមេរិក) ក្នុងមួយខែ!!

បរទេស៖ នារីវ័យក្មេងជនជាតិថៃដែលពិការជើងទាំងពីរក្នុងឧបទ្ទវហេតុគ្រោះថ្នាក់រថភ្លើងនៅសាំងហ្គាពួរកាលពី៦ឆ្នាំមុន ឥលូវនាងទទួលបានការងារដ៏ថ្លៃថ្នូរ...

បរទេស៖ នារីវ័យក្មេងជនជាតិថៃដែលពិការជើងទាំងពីរក្នុងឧបទ្ទវហេតុគ្រោះថ្នាក់រថភ្លើងនៅសាំងហ្គាពួរកាលពី៦ឆ្នាំមុន ឥលូវនាងទទួលបានការងារដ៏ថ្លៃថ្នូរខ្ពងខ្ពស់បំផុតដែលបេក្ខជនរាប់ពាន់រាប់ម៉ឺននាក់ប្រាថ្នាចង់ធ្វើ។ ការងារនេះគឺធ្វើអោយអ្នកជំងឺទាំងឡាយសប្បាយរីករាយនិងមានសង្ឃឹមជានិច្ច។ ចំណែកប្រាក់ខែដែលនាងទទួលបានគឺ១លានបាត(២៩៥០០ដុល្លាអាមេរិក)ក្នុងមួយខែ។
កាលពីថ្ងៃសៅរ៍រឿងនេះត្រូវបានផ្សព្វផ្សាយក្នុងកម្មវិធីទូរទស្សន៍ "At Ten" ។ Nitchanee អាយុ២០ឆ្នាំត្រូវបានចុះកុងត្រារយៈពេល៦ខែនៃការតាមដានការងារជាមួយមន្ទីរពេទ្យWorld Medical Hospitalដែលប្រតិបត្តការក្រៅទីក្រុងបាងកក។ Nitchaneeនិងធ្វើការជាមួយមន្ទីរពេទ្យនេះរាល់ថ្ងៃក្នុងការលើកកំពស់ស្ថានភាពអ្នកជំងឺប្រចាំថ្ងៃ។ តាមរយៈការងារនេះអាចធ្វើអោយអ្នកជំងឺសប្បាយចិត្តនិងឆាប់ជាសះស្បើយ។

រលឹកកាលពីខែមេសាឆ្នាំ២០១១ កាលនោះNitchaneeមានអាយុ១៤ឆ្នាំនាងធ្លាក់ពីលើរថភ្លើងនៅសាំងហ្គាពួរជាកន្លែងដែលនាងចំនាយពេលរៀនភាសាអង់គ្លេសបន្ថែមនារដូវក្តៅ។ ជើងរបស់Nitchaneeត្រូវកាត់ចោលទាំងពីរ! ក្នុងឆ្នាំ២០១៣ គ្រួសារNitchaneeបានរៀបចំឯកសារប្តឹងក្រុមហ៊ុនដឹកជញ្ជូនសាំងហ្គាពួរលើករណីធ្វេសប្រហែសបង្កអោយមានគ្រោះថ្នាក់នេះឡើង ប៉ុន្តែគ្រួសារNitchaneeបានចាញ់ក្តីចំពោះរឿងនេះ។

Nitchaneeបានបន្តការសិក្សានៅសកលវិទ្យាល័យThammasatផ្នែកសាពត៌មាននិងទំនាក់ទំនង។ ទោះជាប្រើជើងសិប្បនិមិត្តក៏ដោយ តែនាងមិនបានបាក់ទឹកចិត្តឡើយ។ នាងបានចូលរួមសិក្ខាសាលាសាធារណៈជាច្រើនក្នុងការចែករំលែកបទពិសោធផ្ទាល់ខ្លួននិងការសិក្សា។ យោងតាមមន្ទីរពេទ្យបានអោយដឹងថា៖ " បេក្ខជនរាប់ពាន់នាក់ដែលមានចំណេះនិងជំនាញផ្សេងៗគ្នាដូចជាៈ ផ្នែកចិត្តសាស្រ្ត ផ្នែកសាពត៌មាន ផ្នែកបំនិនជីវិតជាដើម។ Nitchaneeត្រូវបានជ្រើសរើសក្នុងចំណោមបេក្ខជនរាប់ពាន់នាក់ដោយសារគំនិតសុទិដ្ឋិនិយមរបស់នាង។ ផ្ទុយពីពិការភាពរបស់នាង  Nitchaneeមានស្នាមញញឹមជាប់លើផ្ទៃមុខជានិច្ចដែលធ្វើអោយនាងអាចធ្វើការងារមនុស្សធម៌បានល្អ។ "

ប្រាក់ខែរបស់Nitchaneeហាក់ដូចជាច្រើនណាស់ ប៉ុន្តែវាត្រូវបំពេញតម្រូវការចំបាច់របស់នាងដូចជាជើងសិប្បនិមិត្តមួយគូថ្មី។ នាងត្រូវការបំពាក់បច្ចេកវិទ្យាថ្មីនៃជើងសិប្បនិមិត្តដែលមានតម្លៃរហូតដល់៥លានបាតឯណោះ៕ អត្ថបទ៖ Khmer5 News ប្រែសម្រួល៖ លី