ពិតជាអស្ចារ្យណាស់!! ឆ្កែសម័យនេះចេះទៅផ្សារ ទិញអាហារស៊ីដោយខ្លួនឯង!! (មានវីដេអូ)

បរទេស៖ យើងធ្លាប់តែឃើញមនុស្សយួរកន្ត្រកទៅផ្សារទិញឥវ៉ាន់ ប៉ុន្តែពេលនេះឆ្កែមួយក្បាលចេះចូលហាងទិញអាហារដោយខ្លួនឯង។ នៅក្រុងParaiប្រទេសប្រេស៊ីលម...

បរទេស៖ យើងធ្លាប់តែឃើញមនុស្សយួរកន្ត្រកទៅផ្សារទិញឥវ៉ាន់ ប៉ុន្តែពេលនេះឆ្កែមួយក្បាលចេះចូលហាងទិញអាហារដោយខ្លួនឯង។

នៅក្រុងParaiប្រទេសប្រេស៊ីលមានឆ្កែមួយក្បាលឈ្មោះPitucoដែលចេះទៅទិញអាហាររាល់ថ្ងៃនៅហាងក្បែរផ្ទះ។ យោងតាមសាពត៌មានThe Dodoអោយដឹងថា៖ " Puticoដើរតែម្នាក់ឯងពីផ្ទះទៅមន្ទីរបសុពេទ្យAgro Petដែលទីនោះមានលក់ចំណីសត្វ "។  បុគ្គលិកAgro Petបានប្រាប់សាពត៌មានThe Dodoថា៖ " គ្រប់គ្នានៅក្នុងហាងស្គាល់Pitucoច្បាស់ណាស់! ចំណីរបស់វានៅលើធ្នើរខ្ពស់ជាងគេ។ យើងត្រូវតែយកចំណីអោយPituco បើមិនដូច្នេះទេវានិងព្រូសមិនឈប់ឡើយ "។

ពេលPitucoទទួលបានចំណីរបស់វាហើយ  វាក៏រត់តម្រង់ទៅផ្ទះវិញតែម្តងគឺមិនចេះលួចលបឆ្លៀតដើរលេងរហេតរហូតផ្តេសផ្តាសទេ។ បើមើលពីក្រោយទៅឃើញស្លឹកត្រចៀកវាបក់ព្រិបៗ ពិតជាគួរអោយស្រលាញ់ណាស់!។

ប្រហែលជាអ្នកឆ្ងល់ហើយមើលទៅ! ពិតណាស់ម្ចាស់ហាងមិនបានអោយចំណីទៅPitucoដោយឥតគិតថ្លៃនោះទេ។ បុគ្គលិកក្នុងហាងព្យួរវិក័យប័ត្រនៅនិងកPituco  ហើយម្ចាស់វានិងមកចេញលុយអោយពេលក្រោយ។

យោងតាមសាពត៌មានBored Panda អោយដឹងថា៖ " Pitucoមិនមែនត្រឹមតែទៅទិញចំណីឆ្កែសម្រាប់តែខ្លួនវាប៉ុណ្ណោះទេ។ ពេលខ្លះវាត្រូវប្រើអោយទៅទិញចំណីឆ្មានិងចំណីចាបដែលម្ចាស់របស់វាចិញ្ចឹមក្នុងផ្ទះទៀតផង។ Pitucoសប្បាយនិងដើរផ្សារណាស់ពេលត្រូវបានម្ចាស់ប្រើអោយទៅទិញចំណីសត្វម្តងៗ "។

ខ្ញុំជឿថាអ្នកពិតជាស្រលាញ់និងចង់បានឆ្កែដ៏ឆ្លាតបែបនេះណាស់!! តើមែនឬទេ? សូមទស្សនាវីដេអូខាងក្រោម៖