បរទេស៖ អំពើហឹង្សាក្នុងគ្រួសារបានរីករាលដាលជាច្រើនក្នុងពិភពលោកបច្ចុប្បន្ន។ ស្ត្រីជាប្រពន្ធតែងទទួលរងអំពើហឹង្សាលើរូបរាងកាយ ពាក្យសម្តី និងផ្លូ...
បរទេស៖ អំពើហឹង្សាក្នុងគ្រួសារបានរីករាលដាលជាច្រើនក្នុងពិភពលោកបច្ចុប្បន្ន។ ស្ត្រីជាប្រពន្ធតែងទទួលរងអំពើហឹង្សាលើរូបរាងកាយ ពាក្យសម្តី និងផ្លូវចិត្តដោយពួកគេគ្មានឱកាសនិងការពារខ្លួនឡើយ។ ធម្មជាតិនៃបុរសមានកំលាំងកាយខ្លាំងជាងស្រ្តី ហើយប្រសិនបើគ្មានអន្តរាគមន៍នៅក្នុងហេតុការណ៍ហឹង្សាទេវាអាចបង្កគ្រោះថ្នាក់រហូតដល់ស្លាប់។ ពេលខ្លះសូម្បីតែស្រ្តីមានផ្ទៃពោះក៏មិនលើកលែងអោយដែរ។
ជាក់ស្តែងរឿងរ៉ាវអំពើហឹង្សាដែលកើតមានចំពោះស្រ្តីជនជាតិថៃម្នាក់បានក្លាយជាពត៌មានក្តៅគគុកក្នុងប្រទេសថៃ។ Yodwadee Junsupong អាយុ២៣ឆ្នាំបានរាយការណ៍ទៅប៉ូលីសអំពីមិត្តប្រុសដែលបានប្រព្រឹត្តអំពើហឹង្សាលើរូបកាយនាងយ៉ាងខ្លាំង។ នាងតែងទទួលរងអំពើហឹង្សាលើរូបរាងកាយពីមិត្តប្រុសជាញឹកញ៉ាប់ ប៉ុន្តែលើកនេះធ្ងន់ធ្ងរជាងរាល់ដងទើបនាងសម្រេចដាក់ពាក្យបណ្តឹងតែម្តង។ Yodwadeeឃើញមិត្តប្រុសខ្លួនផ្ញើរសារឆ្លើយឆ្លងជាមួយស្រីជាច្រើន ទើបនាងសួរនាំពីរឿងនេះហើយក៏កើតជម្លោះដែលធ្វើអោយនាងរងរបួសជាខ្លាំងលើផ្ទៃមុខនិងក្បាល។
គេដឹងថាមិត្តប្រុសរបស់ Yodwadeeជាបុគ្គលមានលុយមានអំណាច ហើយក៏មានជាប់ពាក់ព័ន្ធនិងករណីគ្រោះថ្នាក់ចរាចរពីរផ្សេងគ្នាផងដែរ។ កាលពីខែមេសាគាត់បានបើករថយន្តPorscheពណ៌សបុកអ្នកថ្មើរជើងនិងអ្នកជិះកង់ជាច្រើន។ គាត់ក៏ត្រូវគេសង្ស័យថាធ្លាប់បើករថយន្តMini Cooperបុកមនុស្សអោយរបួសហើយបើករត់គេចកាលពីឆ្នាំ២០១២ដែលកាលណោះគាត់មានអាយុ១៧ឆ្នាំ។
Yodwadee ទូរស័ព្ទហៅShaneជាប្អូនប្រុសអោយជួយអន្តរាគមន៍តែគេប្រាប់បងស្រីអោយរត់ចូលប៉ុស្តិ៍ប៉ូលីសក្បែរនោះសិន ហើយនាងក៏ធ្វើតាម។ Shaneនិយាយថាបងស្រីរបស់ខ្លួនមានទំនាក់ទំនងស្នេហាជាមួយជនសង្ស័យអស់រយៈពេលប្រាំពីរខែមកហើយ ហើយនាងក៏មានផ្ទៃពោះជាមួយគេដែរ។ ប៉ុន្តែទោះបីជាដឹងថានាងមានកូនហើយក៏ជនសង្ស័យនៅតែវាយធ្វើបាបនាងទៀត។
ប៉ូលីសបានអោយដឹងថាជនសង្ស័យនិយាយការពារខ្លួនថា៖ " វាជារឿងផ្ទាល់ខ្លួននៃគូសង្សារគេប៉ុណ្ណោះ។ " អត្ថបទ៖ Khmer5 News
វីដេអូ៖
COMMENTS