ប្រទះឃើញអាចម៏កណ្តុរ ក្នុងបន្លែស្រស់ៗ នៅផ្សារទំនើបមួយកន្លែង ឡើងផ្ញើលពេញបណ្តាញសង្គម!!

បណ្តាញសង្គម៖ បច្ចុប្បន្នមនុស្សជ្រើសទិញបន្លែស្រស់ពីផ្សារទំនើបយកទៅទទួលទាន ហើយគេជឿជាក់ថាបន្លែនៅទីនោះមានអនាម័យគួរជាទីទុកចិត្ត។ បន្លែធ្វើអោយយើ...

បណ្តាញសង្គម៖ បច្ចុប្បន្នមនុស្សជ្រើសទិញបន្លែស្រស់ពីផ្សារទំនើបយកទៅទទួលទាន ហើយគេជឿជាក់ថាបន្លែនៅទីនោះមានអនាម័យគួរជាទីទុកចិត្ត។ បន្លែធ្វើអោយយើងមានសុខភាពល្អរឹងមាំ ប៉ុន្តែថ្មីៗនេះមានពត៌មានមិនល្អខ្លះៗពាក់ព័ន្ធនិងបន្លែស្រស់នៅផ្សារទំនើប។

បុរសម្នាក់បានប្រទះឃើញបន្លែដែលមានសត្វល្អិតគួរអោយខ្ពើម ខណៈគាត់ដើរទិញឥវ៉ាន់ក្នុងផ្សារទំនើបមួយកន្លែង។ គាត់បានថតរូបភាពទាំងនោះហើយរាយការណ៍ទៅភាគីខាងផ្សារទំនើបអោយដោះស្រាយបញ្ហានេះ។ ប៉ុន្តែច្រើនសប្តាហ៍កន្លងទៅក៏មិនមានការបកស្រាយណាមួយពីផ្សារទំនើបចំពោះបញ្ហានោះឡើយ។

គាត់ក៏បង្ហោះរូបភាពទាំងនោះទៅក្នុងបណ្តាញសង្គមតែម្តងដោយសរសេរថា៖

"ខ្ញុំមិនចង់អោយអ្នកផ្សេងជួបបញ្ហានេះទេ! ពួកគេទុកចិត្តបន្លែនៅផ្សារទំនើបណាស់ហើយពេលខ្លះពួកគេញ៉ាំបន្លែឆៅទៀតផងដោយគិតថាបន្លែស្រស់ដែលទិញពីផ្សារទំនើបមានសុវត្ថិភាពគួរទុកចិត្តបាន។ អ្នកដឹងទេបន្លែដែលសម្អាតមិនបានល្អគឺសំបូរដោយបាក់តេរី Leptospirosis ណាស់ ហើយវាក៏ជាអ្នកបង្កទុក្ខទោសជាច្រើនដល់សុខភាពមនុស្ស។ ខ្ញុំបានរាយការណ៍ទៅអ្នកភ្លាមៗ និងសុំអោយអ្នកដោះស្រាយ និងធ្វើការបកស្រាយពីបញ្ហានេះ ប៉ុន្តែអស់រយៈពេលច្រើនសប្តាហ៍មកហើយនៅមិនទាន់ឃើញការពន្យល់ពីរឿងនេះនៅឡើយ។ សូមអ្នកសម្អាតបន្លែរបស់អ្នកអោយបានស្អាតមុននិងដាក់លក់ !"។

ក្រោយពីរូបភាពនិងសារទាំងនេះបានសុះសាយពេញបណ្តាញសង្គម ទើបខាងផ្សារទំនើបបង្ហាញសារជាសាធារណៈថា៖ " បន្លែទាំងអស់និងត្រូវបានសម្អាតដោយយកចិត្តទុកដាក់បំផុតមុននិងដាក់លក់ ហើយវានិងមិនមានបញ្ហានេះកើតឡើងតទៅទៀតឡើយ។ "
តើអ្វីជា Leptospirosis?

Leptospirosisជាបាក់តេរីបង្កជម្ងឺលើមនុស្សនិងសត្វ ហើយបាក់តេរីនេះក៏មាននៅក្នុងទឹកនោមផងដែរ។ ពេលខ្លះបាក់តេរីនេះអាចបង្កជម្ងឺផ្សេងៗដូចជា៖ ជម្ងឺរលាកស្រោមខួរក្បាល និងជម្ងឺថ្លើមជាដើម៕ អត្ថបទ៖ Khmer5 News