អ្នកភូមិនាំគ្នាផ្អើល!! ដើមស្វាយ ១ដើមផ្តល់លេខឆ្នោតឲ្យអ្នកស្រុកចាក់ ឈ្នះភ្លូកទឹកភ្លូកដី!!

បរទេស៖ ប្រជាជនខេត្ត Nakhon Phanom ប្រទេសថៃ បានរៀបចំពីធីសែនព្រេនកាលពីថ្ងៃព្រហស្បតិ៍ចំពោះដើមស្វាយមួយដើមដែលបានអោយលេខឆ្នោតដល់ពួកគេឈ្នះបានលុយជ...

បរទេស៖ ប្រជាជនខេត្ត Nakhon Phanom ប្រទេសថៃ បានរៀបចំពីធីសែនព្រេនកាលពីថ្ងៃព្រហស្បតិ៍ចំពោះដើមស្វាយមួយដើមដែលបានអោយលេខឆ្នោតដល់ពួកគេឈ្នះបានលុយជាច្រើន។ ដើមស្វាយមួយដើមនេះបាននាំសំណាងមកអោយអ្នករស់នៅក្នុងខេត្តNakhon Phanom ជាច្រើន។ លទ្ធផលឆ្នោតប្រកាសក្នុងថ្ងៃព្រហស្បតិ៍ភ្លាម អ្នកភូមិក៏ប្រមូលផ្តុំគ្នានៅចំការរបស់លោកToon KhunSriយ៉ាងច្រើនកុះកររកកន្លែងចតឡានម៉ូតូមិនបាន។ អ្នកខ្លះឈ្នះលុយ៣៥០០០បាត ហើយអ្នកខ្លះទៀតឈ្នះ១០០០០០បាត។ អ្នកខេត្តMukdahanម្នាក់ឈ្នះបានពីរដង ទើបគេផ្ញើលុយអោយខ្ញុំ២០០០០បាតដើម្បីសាងសង់រោងធ្វើពិធីសែនព្រេនដល់ដើមស្វាយនេះ។ រណ្តាប់សែនព្រេនដល់ដើមស្វាយមានដូចជា៖ ផ្លែម្នាស់, ចេក, ដូង, ផ្កា, នំ, បង្អែម, និងសំលៀកបំពាក់ប្រពៃណីថៃ១៤ឈុត។ បើយោងតាមអ្នកភូមិអោយដឹងថា៖ " ការលាបម្សៅអោយដើមស្វាយនាំសំណាងនេះអាចធ្វើអោយពួកគេឈ្នះលេខឆ្នោតបង្វិលប្រាំខ្ទង់។ ហើយលេខដែលឈ្នះកាលពីថ្ងៃព្រហស្បតិ៍នោះគឺ ៩៥៤, ៥៤, ២៥, ៥០, ៥៧ "។

អបិយជំនឿនេះកើតមានតាំងពីមុនព្រះពុទ្ធសាសនាម្ល៉េះ ហើយវានៅតែបន្តរីករាលដាលដល់បច្ចុប្បន្ន។ អ្នកភូមិមានជំនឿលើដើមស្វាយនេះណាស់! ពួកគេតែងតាមដានលទ្ធផលរង្វិលឆ្នោតពីរដងក្នុងមួយខែ។ Toonនិយាយថា៖ " អ្នកទស្សនាតែងបរិច្ចាក២០ទៅ១០០០បាតពេលមកមើលដើមស្វាយនេះម្តង។ ខ្ញុំកំពុងប្រមូលនិងសន្សំលុយអោយបាន១០០០០បាតដើម្បីធ្វើផ្លូវដើរមកកាន់ដើមស្វាយ "។

អ្នកនិយមប្រើអ៊ីនធឺណិតខ្លះមិនចង់អោយមានអបិយជំនឿបង្កើតល្បែងស៊ីសងបែបនេះទេ។ ម្ចាស់គណនីហ្វេសប៊ុកឈ្មោះChanasit Prasopkitcharoen សរសេរក្នុងCommentថា៖ " អ្នកនិយាយថាអ្នកត្រូវលេខប្រាំខ្ទង់ឬ? ជឿខ្ញុំ! តទៅអ្នកនិងលេងច្រើនជាងនេះទៀត ហើយទីបំផុតអ្នកនិងចាញ់លុយក្នុងផ្ទះទៅវិញអស់ជាច្រើន។ រឿងបែបនេះខ្ញុំធ្លាប់ឃើញច្រើនដងណាស់មកហើយ "៕ អត្ថបទ៖ Khmer5 News ប្រែសម្រួល៖ លី