លើសហើយពូ!! បរុស២នាក់ត្រូវបានឃាត់ខ្លួន បន្ទាប់ពីធ្វើទារុណកម្មយុវជនម្នាក់ ដោយចាក់សាក់អក្សរថា "ខ្ញុំជាចោរ" លើថ្ងាស!!

បរទេស៖ យុវជនអាយុ ១៧ឆ្នាំម្នាក់ ស្ថិតក្នុងស្ថានភាពមើលទៅ ពិតហួសចិត្តណាស់ តាមរយៈវីដេអូ ដែលបុរសទាំង ២នាក់នោះបានថត បង្ហាញពីការចាក់សាក់អក្សរ ១ឃ...

បរទេស៖ យុវជនអាយុ ១៧ឆ្នាំម្នាក់ ស្ថិតក្នុងស្ថានភាពមើលទៅ ពិតហួសចិត្តណាស់ តាមរយៈវីដេអូ ដែលបុរសទាំង ២នាក់នោះបានថត បង្ហាញពីការចាក់សាក់អក្សរ ១ឃ្លា ដែលមិនអាចលុបជ្រះ លើរូបគេ ក្នុងហេតុការណ៍មួយនៅប្រទេសប្រេស៊ីល។ ក្រោយមក អ្នកចាក់សាក់ឈ្មោះ "Maycon Wesley Carvalho dos Reis" និងមិត្តភក្តិម្នាក់ទៀតឈ្មោះ "Ronildo Moreira de Araujo" មុននឹងបញ្ចប់សកម្មភាពរបស់ពួកគេ គេបានឲ្យក្មេងប្រុសរូបនេះ បង្ហាញស្នាមសាក់នេះ ទៅកាមេរ៉ា បន្ទាប់មកបានសួរក្មេងប្រុសនេះថា "តើឯងពេញចិត្តវាទេ??"។

អក្សរសាក់ដែលពួកគេទាំង២នាក់ ចាក់ឲ្យក្មេងគឺអានថា "Eu sou ladrão e vacilão" ជាភាសាព័រទុយហ្គាល់ បកប្រែថា "ខ្ញុំគឺជាចោរ និងជាជនកំសាក"។ ដោយភាពអាម៉ាស់ យុវជនរូបនេះ បានរត់លាក់ខ្លួនជាច្រើនសបា្ដហ៍ មុនពេលក្រុមគ្រួសារយុវជននេះរកគេឃើញ។ ក្មេងប្រុសនេះបានថាគេជាចោរ ហើយមិនព្រមបង្ហាញមុខគេ ឲ្យអ្នកណាឃើញឡើយ ហើយក៏មិនចង់ចេញពីផ្ទះទៀតដែរ។

លោក "Reis" អាយុ ២៧ឆ្នាំ និងមិត្តភក្តិម្នាក់ទៀតលោក "Moreira de Araujo" អាយុ ២៩ឆ្នាំ ត្រូវបានឃាត់ខ្លួន និងប្រឈមមុខនឹងការកាត់ទោសចំពោះអំពើធ្វើទារុណកម្មលើយុវជននេះ។

ទោះជាយ៉ាងណា នៅចំពោះមុខសមត្ថិកិច្ច យុវជនម្នាក់នេះ បានបដិសេធន៍ថាខ្លួនជាចោរ ហើយមិនបានជាប់ពាក់ពន្ធក្នុងបទល្មើសចោរកម្មណាមួយនោះទេ។ យុវជននេះ ត្រូវបានបញ្ចូនទៅពិនិត្យ និងព្យាបាលនៅមន្ទីរទេព្យ មុនពេលឲ្យត្រលប់ទៅផ្ទះវិញ។ យុវជនរងគ្រោះរូបនេះ ត្រូវបានចាត់ទុកជាមនុស្សមានវិបិត្តផ្លូវចិត្ត ហើយនឹងបន្តទទួលព្យាបាលផ្លូវចិត្ត បន្ទាប់រងទារុណកម្មពិបុរសទាំង២ខាងលើ។

មិត្តភក្តិរបស់យុវជនរងគ្រោះម្នាក់ បានចាប់ផ្តើម សុំជំនួយ និងរកថវិការពីអ្នកប្រើប្រាស់បណ្តាញសង្គម ដើម្បីលុបស្នាមចាក់សាក់លើថ្ងាសរបស់យុវជននេះ ប៉ុន្តែត្រូវបានបក្សពួកជនល្មើស គម្រាមសម្លាប់ ប្រសិនបើនៅបន្តធ្វើបែបនេះទៀត៕ អត្ថបទ៖ Khmer5 News

សូមទស្សនាវីដេអូខាងក្រោមនេះ៖