ចិញ្ចឹមត្រីជាង១០ឆ្នាំ រួមទាំងត្រីនាងចម និងត្រីទីឡាប់យ៉ាជាង ២០ក្បាល ត្រូវក្រុមចោរលួចអស់តែ១យប់...ម្ចាស់ស្វែងរកតាមហ្វេសប៊ុក!! (មានវីដេអូ)

បណ្តាញសង្គម៖ ប៉ូលីសកំពុងស្វែងរកបុរសពីរនាក់ និងស្រ្តីម្នាក់ដែលលួចចាប់ត្រីនាងចម និងត្រីទីឡាប់យ៉ា អស់ជាង២០ក្បាលក្នុងផ្ទះមួយ កាលពី ទាបភ្លឺ ...

បណ្តាញសង្គម៖ ប៉ូលីសកំពុងស្វែងរកបុរសពីរនាក់ និងស្រ្តីម្នាក់ដែលលួចចាប់ត្រីនាងចម និងត្រីទីឡាប់យ៉ា អស់ជាង២០ក្បាលក្នុងផ្ទះមួយ កាលពីទាបភ្លឺ ថ្ងៃសៅរ៍ទី២២ ខែមិថុនា ឆ្នាំ២០១៧នេះ នៅទីក្រុងបាងកកប្រទេសថៃ។ 

អ្នកស្រី Rawadee Kiatkamjornpattana ជនជាតិថៃអាយុ ៤៤ឆ្នាំបានបង្ហោះវីដេអូនេះក្នុងគណនីហ្វេសប៊ុករបស់នាង។ វីដេអូមានរយៈពេលប្រហែល ១០នាទី ដែលក្រុមចោរបានលួចដួសយកត្រីជាច្រើនពីក្នុងអាងចិញ្ចឹមត្រីមុខផ្ទះរបស់អ្នកស្រី Rawadee ស្ថិតក្នុងសង្កាត់ Lat Phrao Soi។

អ្នកស្រី Rawadee សុំអោយក្រុមអ្នកនិយមប្រើអ៊ីនធឺណិត ផ្តល់ពត៌មានមកខ្លួន ប្រសិនបើអាចស្គាល់អត្តសញ្ញាណក្រុមចោរទាំងនេះ ហើយវីដេអូនេះត្រូវបានគេចែកចាយជាង ២០០០ដងមកហើយ។ អ្នកស្រី Rawadee បានសរសេរក្នុងហ្វេសប៊ុករបស់នាងថា៖ " សូមជួយចែកចាយរឿងនេះផង! ខ្ញុំចិញ្ចឹមត្រីរបស់ខ្ញុំជាង១០ឆ្នាំមកហើយ ខ្ញុំពិតជាស្រលាញ់ពួកវាណាស់។ ចោរទាំងបីនាក់បានលួចត្រីនាងចមនិងត្រីទីឡាប់យ៉ាអស់ជាង២០ក្បាល។ ព្រឹកឡើងខ្ញុំយកចំណីទៅដាក់អោយពួកវាស៊ី ស្រាប់តែនៅសល់ត្រីភឿកមួយ ត្រីអណ្តែងមួយ និងត្រីនាងចមមួយប៉ុណ្ណោះ។ ខ្ញុំតែងអោយចំណីវាស៊ីរាល់ថ្ងៃ ខ្ញុំពិតជាចង់បានពួកវាត្រលប់មកវិញណាស់។ "

អ្នកស្រី Rawadee បានដាក់ពាក្យបណ្តឹងនិងផ្តល់ភស្តុតាងវីដេអូក្នុងកាម៉េរាសុវត្ថិភាពទៅប៉ូលីសរួចរាល់ហើយ។ ក្រោយហេតុការនេះ អ្នកស្រី Rawadeeនិងធ្វើរបងបន្ថែមដើម្បីធានាសុវត្ថិភាព៕ អត្ថបទ៖ Khmer5 News ប្រែសម្រួល៖ លី

សូមទស្សនាវីដេអូខាងក្រោមនេះ៖