ប្រភេទសត្វដែលមានសំបុរថ្លាមើលធ្លុះ កម្ររបានឃើញរស់នៅក្នុងបាតសមុទ្រជ្រៅៗ និងពីក្នុងព្រៃឆ្ងាយៗ!!

បរទេស៖ ភាវៈក្រោមបាតសមុទ្រនៅតែជាអាថ៌កំបាំងជានិច្ចព្រោះវាមានវិសាលភាពធំនិងជម្រៅជ្រៅ។ យើងដឹងថាភាវៈនៅក្រោមបាតសមុទ្រមានទំហំខុសៗគ្នាជាច្រើនហើយមា...

បរទេស៖ ភាវៈក្រោមបាតសមុទ្រនៅតែជាអាថ៌កំបាំងជានិច្ចព្រោះវាមានវិសាលភាពធំនិងជម្រៅជ្រៅ។ យើងដឹងថាភាវៈនៅក្រោមបាតសមុទ្រមានទំហំខុសៗគ្នាជាច្រើនហើយមានពណ៌ចម្រុះឆើតឆាយគួរអោយទាក់ទាញ។

ទាំងសត្វបង្កគ្រោះថ្នាក់និងមិនបង្កគ្រោះថ្នាក់នៅលាយឡំគ្នាបង្កើតបានជាប្រព័ន្ធអេកូឡូស៊ី។ សត្វខ្លះអាចរស់នៅបានអាស្រ័យដោយសមត្ថភាពបិនប្រសប់ក្នុងការគេចផុតពីចំណីរបស់សត្វធំៗ។ សត្វខ្លះមានសរីរាង្គកាយគួរអោយចាប់អារម្មណ៍បំផុតគឺមានសភាពថ្លាឆ្វង់ដែលអ្នកអាចមើលឃើញដល់គ្រោងឆ្អឹងនិងសរសៃឈាមរបស់វា។ ចំណែកនៅលើគោកក៏មានសត្វគួរអោយចាប់អារម្មណ៍បែបនេះដែរ! ជាពិសេសនៅក្នុងព្រៃតំបន់ត្រូពិច៕ អត្ថបទ៖​ Khmer5 News

យើងបានរកឃើញសត្វដ៏គួរអោយចាប់អារម្មណ៍ទាំងនៅក្នុងទឹកនិងនៅលើគោកដូចជា៖

១. ទេពអប្សរខ្ចងសមុទ្រ
វាជាខ្ចងដែលមានពណ៌ស្រាលដូចខ្យល់ដែលយើងអាចមើលធ្លុះរាងកាយរបស់វា ហើយពេលខ្លះយើងស្ទើរតែមិនជឿថាវាជាខ្ចងមួយផង។

២. ត្រីកញ្ចក់Salpa
តើអ្នកធ្លាប់ឃើញត្រីចម្លែកប្រភេទនេះពីមុនមកទេ? វាត្រូវបានគេរកឃើញក្នុងសមុទ្រនៅNew Zealand។ ដោយសារភាពថ្លានៃរាងកាយរបស់វាទើបគេអាចមើលធ្លុះពីម្ខាងទៅម្ខាង។


៣. ត្រីកាបថ្លាដូចគុជ
ត្រីចម្លែកនេះធ្វើអោយយើងងឿងឆ្ងល់ជាខ្លាំងដោយសារតែរូបរាងកាយដ៏កំរបានឃើញនេះ។ វាមានរូបរាងកំប៉ោងនិងមានពណ៌ថ្លាដូចគុជ។


៤. ត្រីទឹកកក
ដូចនិងឈ្មោះរបស់វា! ត្រីនេះចូលចិត្តរស់នៅកន្លែងត្រជាក់។ វាមានមុខងារពិសេសក្នុងសារពាង្គកាយក្នុងការប្រឆាំងនិងភាពត្រជាក់ដែលធ្វើអោយឈាមរបស់វាមិនកកឡើយបើទោះជាស្ថានភាពទឹកត្រជាក់ខ្លាំងក៏ដោយ។


៥. ត្រីចាហួយអមតៈ
ត្រីនេះអាចត្រឡប់ពីភាពចាស់មកក្មេងវិញ! វាមិនចេះចាស់ទេ។ ដោយហេតុនេះហើយទើបគេអោយឈ្មោះវាថា " ត្រីចាហួយអមតៈ " ។


៦. ត្រីកញ្ចាញ់ច្រាសថ្លា
មានអ្នកខ្លះនិយាយថាត្រីតូចមួយនេះមិនមែនជាការពិតនោះទេ ប៉ុន្តែគេបានឃើញត្រីប្រភេទនេះនៅសមុទ្រNew Zealand។


៧. កំពឹសខ្មោច
កំពឹសប្រភេទនេះមានសំបកថ្លាស្រអាប់និងមានសរីរាង្គពណ៌លឿងនៅខាងក្នុង។ វាចូលចិត្តនៅក្នុងសារាយសមុទ្រ។


៨. អណ្តើកមាសពណ៌បៃតង
អណ្តើកមាសចម្លែកនេះមានសំបកថ្លានិងមានពណ៌ចម្រុះ ខ្មៅ លឿង បៃតងដែលមានសភាពស្រដៀងនិងស្លឹកឈើ។


៩. ខ្ចងដែលមានសំបកថ្លាល្អក់
ខ្ចងនេះត្រូវបានរកឃើញក្នុងឆ្នាំ២០១២ វាចូលចិត្តបង្កប់ខ្លួនក្នុងដីក្នុងជម្រៅទឹកចន្លោះពី៧៤៣ ទៅ១៣៩២ម៉ែត្រ។


១០. កញ្ចាញ់ចេកស្អិត
កញ្ចាញ់ចេកនេះមិនមានសរីរាង្គថ្លាអាចមើលឃើញដល់គ្រោងឆ្អឹងទេ។ ប៉ុន្តែវាសំបូរដោយសារធាតុខាប់អន្ធឹលនិងមានភាពស្អិតយ៉ាងចម្លែក។


១១. កញ្ចាញ់ចេកLa Palma
កញ្ចាញ់ចេកនេះមានស្បែកថ្លាដែលយើងអាចមើលឃើញដល់សរីរាង្គខាងក្នុងរបស់វា។ វាជាសត្វរស់នៅក្នុងព្រៃក្នុងតំបន់អាហ្វ្រិកខាងត្បូង។


១២. ស្រមោចផារ៉ាអុង
ស្រមោចផារ៉ាអុងនេះមានពោះថ្លា ហើយវាប្រែពណ៌ជានិច្ចតាមអាហារដែលវាបានស៊ី។

១៣. មេអំបៅស្លាបកញ្ចក់
មេអំបៅស្លាបកញ្ចក់នេះមិនឆើតឆាយពេកនោះទេ។ វាមានភ្នែកស្រអាប់និងមានស្លាបថ្លាផ្នែកកណ្តាល។